Serchhip District-ah hri kai 102 hmuh belh

Nimin khan Serchhip District-ah COVID-19 hri kai mi 102 zet hmuhchhuah belh leh niin mi 3 enkawl dam an ni thung.

Nimin khan Serchhip District-ah Rapid Antigen Test hmangin Sample 313 enfiah niin hri kai mi 98 hmuh an ni a, East Lungdar-ah hri kai 39 hmuh niin Bungtlang-ah 19, Sailulak-ah 18, Piler-ah 12, Serchhip-ah 9 leh Thenzawl-ah hri kai mi pakhat hmuh an ni a. TrueNat Laboratory-a sample enfiah 19 atangin hri kai mi 4 hmuh niin an vaiin Serchhip khua an ni bawk.

Nimin khan Serchhip District-ah hri kai mi 3 te enkawl dam an awm belh ve leh bawk a, heti hian nizan thleng khan Serchhip District-a hri kai hmuh tawh chu 6278 niin an zinga 5791 te chu en-kawl dam an ni tawh a, hri kai hmuh atanga za zela 92.24 te enkawl dam ni tawhin hri kai enkawllai 467 an la awm a, hri kai zingah mi 20 an boral tawh bawk a ni.

Mizoram-ah niminpiah khan Sample 3311 enfiah niin hri kai 443 zet hmuhchhuah belh leh an ni a, ZMC-a RT-PCR Laboratory-ah hri kai 41 hmuh niin TrueNat Laboratory atangin hri kai 39, Rapid Antigen Test hmangin 356 leh FIA hmangin hri kai mi 7 hmuh an ni a, tunhnaiah nitin-a hri kai hmuh-chhuah hi an pung leh mek a ni. Nimin khan hri kai mi 91 te enkawl dam an ni ve leh bawk a, heti hian nimin tlai dar 5:00 thlenga Mizoram-a hri kai hmuh tawh chu 1,42,691 niin an zinga 1,40,067 te enkawl dam ni tawhin hri kai zingah za zela 98.16 te chu enkawl dam an ni tawh a, hri kai enkawllai 2071 awm leh tawhin hri kai zingah mi 553 an boral tawh bawk a ni.