COVID-19 Vaccine Dose 3-na pek tan a ni ta

Nimin khan Serchhip District-a kum 18 chung-lam te hnenah COVID-19 Vaccine Dose 3-na, Precaution Dose pekchhuah tan a ni a, Serchhip-ah chuan naktuk-ah pekchhuah tan a ni ang.

Tarlan tawh angin COVID-19 Vaccine Dose 3-na hi kum 18 chunglam, vaccine Dose 2-na lak atanga thla 9 (kua) liam tawh te tan lak theih a ni dawn a, Serchhip District-ah chuan a hmasa ber atan nimin khan Thenzawl-ah Precaution Dose hi pekchhuah tan a ni a, Vawiin hi sawrkar Pisa chawlh a nih avangin chhunzawm a ni dawn lova, naktuk January 12, 2022 hian Serchhip Main Centre-ah chhunzawm leh a ni dawn a ni.

Tun tumah hian Health Care Workers, Frontline Workers leh kum 60 chunglam bakah natna khirh bik nei te hnenah Precaution Dose hi pek a ni dawn a, Frontline Workers zingah a tira hri danna lak laia Frontline Workers-a inziak-lut ni lo tan Precaution Dose hi lak theih ala ni dawn rihlo thung a, nimin khan mi 57 te hnenah Vaccine Dose 3-na hi pekchhuah a ni.