Niminpiah-ah hri kai 1513 zet hmuh belh an ni

Niminpiah khan Mizoram-ah Sample 8477 enfiah leh niin heng atang hian COVID-19 hri kai mi 1513 zet hmuhchhuah leh an ni a, kumin ah ni khat-a hri kai hmuhchhuah an tam ber ni a ni.

Niminpiah khan ZMC-a RT-PCR Laboratory-ah Sample 503 enfiah niin heng atang hian hri kai mi 98 hmuh an ni a, Fluorescent Immunoassay Test hmangin Aizawl District-ah Sample 37 enfiah niin heng atang hian hri kai mi 6 hmuh an ni bawk. District hrang hranga TrueNat Laboratory-ah Sample 228 enfiah niin hri kai mi 46 hmuh an ni a, Champhai District-ah 16, Khawzawl District-ah 11, Mamit District-ah 6, Lunglei leh Serchhip District-ah 5 ve ve, Aizawl District-ah 2 leh Saitual District-ah mi pakhat te an ni.

Heng bakah hian Rapid Antigen Test hmangin niminpiah khan Sample 7709 enfiah niin heng atang hian hri kai mi 1363 hmuh an ni a, Khawzawl District chu hri kai hmuh tamna ber niin 364 zet hmuh an ni a, Aizawl District-ah 285 hmuh niin Serchhip District-ah 251, Mamit District-ah 108, Saitual District-ah 92, Champhai District-ah 82, Lunglei District-ah 74, Hnahthial District-ah 45, Lawngtlai District-ah 29, Kolasib District-ah 22 leh Siaha District-ah mi 11 te an ni.

Nimin khan Mizoram-ah hri kai mi 149 te enkawl dam an awm belh ve leh a, heti hian nimin tlai thlenga Mizoram-a hri kai hmuh tawh chu 1,47,558 niin an zinga 1,41,235 te chu enkawl dam an ni tawh a, hri kai hmuhchhuah atanga za zela 95.71 te enkawl dam ni tawhin hri kai enkawllai 5759 zet an la awm bawk. Hetihlai hian nimin khan hri kai mi 2 boral awm belh lehin hri kai zingah mi 564 an boral tawh a ni.