Vaccine Dose 3-na pe tan

/

Ruahman lawk angin nimin atang khan Serchhip-ah COVID-19 Vaccine Dose 3-na, Precaution Dose chu pekchhuah tan a ni.

Tarlan tawh angin COVID-19 Vaccine Dose 3-na hi Health Care Workers, Frontline Workers leh kum 60 chunglam te hnenah pekchhuah hmasak tur niin Vaccine Dose 2-na lak atanga thla kua (9) ral tawh te tan lak theih a ni a, nimin khan Serchhip Main Centre-ah Vaccine Dose 3-na hi pekchhuah tan niin nimin khan mi 198 ten Dose 3-na hi an la nghal a, Vawiin leh naktuk-ah pawh chhunzawm tur a ni ang.

CMO Office-a thawktute chua Nilaini leh Zirtawpni-ah a duh apiang tana Vaccine lak theih hun an hawn thin chu remchan zawkna avangin Thawhtanni leh Nilaini-ah thlak a ni dawn tih an sawi a, hei hi Programme ruahman bik a awm chuan tih danglam theih a nih dawn thu an sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »