Joseph Thansanga hnenah chawimawina hlan

/

India ram Martial Arts hrang hrang Instructor te hnena pek thin, Self defence Instructor National Award  semchhuah takah, National Award of Excellence 2021 chu Master Joseph Thansanga hnenah pek a ni a, nimin khan Sports Minister Robert Romawia Royte chuan a hlan a ni.

He Award hlanna inkhawm hi Sports & Youth Services Department Director Lalsangliana chuan kaihruaiin Award kalphung a sawifiah a, Sports & Youth Services Board-a Vice Chairman TC. Pachhunga leh Department Officer dang ten an tawiawm bawk a ni.

Self Defence Instructor Award hi Combat Tactical Association buatsaih niin India rama Martial Artist zirtirtu hrang hrang te hnathawh dan an lakkhawm atangin an pe a. Nominee 27 thlanchhuah an ni a, chuta tang chuan National Award of Inspiring 2021, National Award of Excellence 2021 leh National Award of Outstanding 2021 te an hlan a ni.

Joseph Thansanga hi SYS Taekwondo Coach, Black Belt 5th Dan niin International Coach leh Referee a ni a, a ho hian kum 2019-20 chhung khan School hrang hrang 140 chuang leh College a Self-Defence zirtirtu te leh naupangte training pein an zirtir chhuak vek a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »