VC hmalakna in kawngpui kual laihzauh a ni

New Serchhip North VC huamchhunga NH. 54 kawngpui kual lutuk laihzauh hna chu nizan hmasa khan New Serchhip North VC te hmalakna in thawh a ni.

Thudawn danin New Serchhip North VC huamchhunga Forest peng leh Kikawn inkar-a C. Lalduhawma In kawt hi a kual lutuk avang leh lirthei inpel tur pawh a inhmuh lawk theihloh avangin a hlauhawm thin hle a, chetsualna pawh a lo thleng tawh thin a. New Serchhip North VC te hian NHIDCL hnuaia NH. 54 laihzauh leh siamthat hnaa thawk mektu SGI Company te chu dawrin anni hian lei laihna khawl leh leivung paihna tur Motor te rawn thawhchhuakin nizan hmasa khan zankhua in hna an thawk a, kawng hi ft. 10 chuang zet-a zau-al aih a ni. Helai kawng hi NH. 54 ni mah se tuna NH. 54 laihzauh leh siamthat in a hel tawh tur zingah a tel thung a ni.