Hri kai la hmuh belh zel

Serchhip District-ah COVID-19 hri kai la hmuh belh zel niin nimin khan hri kai 160 hmuh belh leh an ni.

Nimin a hri kai hmuh belh zinga 41 zet hi Thenzawl-a hmuh niin Bungtlang-ah 33, Rullam-ah 29, Lungpho-ah 23, Serchhip-ah 10, Thinglian-ah 8, Chhingchhip-ah 5, Leng leh Sailulak-ah 4 ve ve leh Chhiahtlang-ah mi 3 te an ni. Heng bakah hian niminpiah khan Ser-chhip District-a TrueNat Laboratory-ah Sample 13 enfiah niin hri kai mi pahnih hmuh niin IOC Veng ami te ve ve an ni a, FIA hmanga sample 38 enfiah atangin hri kai mi 20 hmuh niin an vaiin Thenzawl khua vek an ni bawk.

Nimin khan Mizoram-ah hri kai mi 67 te chu anmahni enkawlna hmun atanga chhuahtir an ni ve leh a, heti hian nimin tlai thleng khan Serchhip District-a hri kai hmuhchhuah chu 7446 niin an zinga 5997 te chu enkawl dam an ni tawh a, hri kai hmuhchhuah atanga za zela 80.53 te enkawl dam ni tawhin hri kai enkawllai 1428 an la awm a, hri kai zingah mi 21 an boral tawh a ni.

Comments

Chhiar Hlawhte