Integrated Command and Control Centre tlawh

Deputy Chief Minister Tawnluia chuan Inrinni zing khan Old Secretariat Building-a Integrated Command and Control Centre for Aizawl Smart City Limited chu a tlawh.

Integrated Command and Control Centre for Aizawl Smart City Limited hi khawl thluak nei, Indian ram chhunga khawpui 100-a Smart City Project a lo hlawhtlin theih nana hmalakna a ni a. Sawrkar laipuiin MoU a neih pui Dell India te nena tangkawpa khawl bun niin Trinity Consultant Firm chuan a enkawl hna leh Technical Assistance hi kum 5 chhung an pe dawn a ni.

Integrated Command and Control Centre hi khawpui chhung a administration tha leh fel fai thlen tir tura Data feed tu khawl lian leh Decision Support System (DSS) a ni a. Khawpui chhunga Traffic Management, khawpui him zawkna (safety and security), Information & response leh sawrkar Rules and Regulations chungchanga mipuite zirtirna thlentu a ni dawn a. He project hian Video Wall Displays, Contact/Call Centre, War Room, Data Centre, Disaster Recovery Centre, Message Display, Intelligence Surveillance System, Face Recognition System, Automatic Number Plate Recognition leh a dangte a keng tel a. AMC huam chhunga Solid Waste Management System ti changtlung turin bawlhhlawh paih dan leh bawlhlawh paih motor te Real Time Monitoring tih theih a ni bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar