KTP Gen. Conf. palai te hri leng-ah enfiah dawn

KTP General Conference lo awm turah khawmpui palai te chu COVID-19 hri an kai leh kai loh endik vek an ni dawn.

Kumin March thla a Kolasib in KTP General Conference a thlen tur chungchangah nimin khan Kolasib District Bawrhsap Dr. H. Lalthlangliana hovin Central KTP hruaitute, Organizing Committee leh Kolasib District-a sawrkar thuneitute an thukhawm a, he hunah hian KTP General Conference 2022 kalpuina tur a inbuatsaih dan te ngaihthlak niin palai beisei zat turte, thlenna tur leh ei leh in buatsaih dan tur zirchianna neih a tul thu sawi a ni a. Khawmpui palaite chu COVID-19 hri an kai leh kai loh endik vek tur a nih thu leh rampum a hri kai awm dan a zirin a hun te pawh sawn a ngaih theih thu te ngaihthlak a ni. Kolasib DC chuan hripui laka mipui himna ngaihtuah a pawimawh tel thu sawiin, Central KTP hruaitute chu Sawrkar inkaihhruaina leh mipuite himna ngai pawimawh chunga inbuatsaihna kalpui turin a chah bawk.