Mizoram-a hri kai nuai 1.7 aiin tam; thi 600 aiin tam

Mizoram-ah COVID-19 hri kai hmuhchhuah an la pung zel a, hri kai hmuhchhuah zawng zawng pawh mi nuai khat leh sing sarih aiin an tam tawh a, hri kai enkawllai pawh an la pung zel a, hri kai zinga boral pawh mi 600 aiin an tam tawh.

Inrinni khan Mizoram-ah Sample 6895 enfiah niin heng atang hian COVID-19 hri kai mi 1819 hmuhchhuah an ni a, Sample enfiah atanga za zela 26.38 te chuan hri an kai a ni. ZMC leh Lunglei-a RT-PCR Laboratory-ah Sample 1582 enfiah niin heng atang hian hri kai mi 483 hmuhchhuah an ni a, Aizawl-ah Fluorescent Immunoassay Test hmangin Sample 42 enfiah niin hri kai mi 6 hmuh an ni a, District 8-ah TrueNat Laboratory atangin Sample 184 enfiah niin hri kai mi 48 hmuh an nih bakah Rapid Antigen Test hmanga Sample enfiah 5087 atangin hri kai mi 1282 hmuh an ni bawk.

Zirtawpni khan Mizoram-ah Sample 7385 enfiah niin heng atang hian COVID-19 hri kai mi 2142 hmuhchhuah an ni a, Sample enfiah te atanga za zela 29.02 te chuan hri hi an kai a. ZMC leh Lunglei-a RT-PCR Laboratory atanga Sample enfiah 1184 atangin hri kai mi 379 hmuh niin Fluorescent Immunoassay Test hmanga Aizawl-a Sample enfiah 63 atangin hri kai mi 29 hmuh an ni a. District 8-a TrueNat Laboratory-ah Sample 283 enfiah niin hri kai mi 65 hmuh an ni a, Rapid Antigen Test hmanga Sample enfiah 5855 atangin hri kai mi 1670 hmuh an ni bawk.

Inrinni khan Mizoram-ah hri kai enkawl dam mi 1611 awmin nimin khan mi 1310 te enkawl dam an ni leh ta, heti hian nimin tlai thleng khan Mizoram-a hri kai hmuhchhuah chu 1,71,685 niin an zinga 1,57,584 te enkawl dam an ni tawh a, hri kai atanga za zela 91.79 te enkawl dam ni tawhin hri kai enkawllai 13,496 an la awm a ni. Tunhnaiah hri kai te zingah boral awm belh leh zeuh zeuhin nimin-ah mi 4 an boral a, hri kai te zingah mi 605 zet an boral tawh a ni.