Serchhip District-ah hri kai hmuhchhuah la pung zel

Serchhip District-ah COVID-19 hri kai an la hmuh belh zel a, nimin khan hri kai mi 122 zet hmuhchhuah belh an ni.

Nimin a Serchhip District-a hri kai hmuhchhuah zingah hian Then-zawl khua tam berin mi 49 zet hmuh belh leh an ni a, Lungpho-ah hri kai mi 29 hmuh ni bawkin Serchhip-ah hri kai mi 19 lai hmuh belh an awm bawk. Heng bakah hian Piler khua ah hri kai mi 7 hmuh niin Hualtu-ah 5, Ngentiang-ah 4 leh Chhiahtlang, Chhingchhip leh East Lungdar khua ah hri kai mi pathum theuh hmuh an ni bawk.

Niminpiah-a hri kai hmuhchhuah nimin a kan rawn tarlan tawh bakah hri kai hmuh belh an awm nual a, niminpiah-a hri kai hmuh zawng zawng chu mi 213 an ni a, East Lungdar khua ah hri kai mi 108 zet hmuhchhuah niin Hmuntha khua ah 21 hmuh an ni bawk a, Bungtlang-ah hri kai mi 20 hmuh niin Hualtu-ah 18, Leng-ah 6, Thenzawl-ah 5, Ngentiang-ah 3, Lungpho, Piler leh Rullam-ah mi pahnih theuh hmuh an ni a, Chhingchhip, Sailulak leh Zote South-ah hri kai mi pakhat theuh hmuh niin Serchhip-ah hri kai mi 8 lai hmuh an ni bawk a, CCC-a Duty te zingah hri kai mi pahnih hmuh an ni bawk a. TrueNat Laboratory atangin hri kai mi 3 hmuh niin FIA hmangin hri kai mi 8 hmuh an ni bawk.

Nimin khan Serchhip District-a hri kai enkawl mi 85 te chu anmahni enkawlna hmun atanga chhuahtir an ni ve leh bawk a, Serchhip District-a hri kai te zingah  Laichhuma (78), Bung-tlang Chhim Veng chu nimin chawhnu dar 2:20 khan a boral ve leh bawk a, ani hi natna dang neih vanga In lama enkawllai niin hri a kai tih hmuh a nih hnu hian a boral zui ta a ni.

Heti hian Serchhip District-a COVID-19 hri kai hmuhchhuah chu 7781 an tling ta a, hri kai zinga 6174 te chu enkawl dam ni tawhin hri kai hmuhchhuah atanga za zela 79.34 te chu enkawl dam an ni tawh a, hri kai enkawllai 1585 la awmin hri kai zingah mi 22 an boral tawh a ni.

Comments

Popular News (Last 30 Days)

LPG man bithliah thar