COVID-19 hri kai sang hnih chuang hmuh belh leh

Niminpiah khan Mizoram-ah Sample 7554 enfiah leh niin heng atang hian COVID-19 hri kai 2064 zet hmuhchhuah belh leh an ni a, Sample enfiah atanga za zela 27.32 zetin hri hi an kai a ni.

Niminpiah khan ZMC leh Lunglei-a RT-PCR Laboratory-ah Sample 1191 enfiah niin heng atang hian hri kai 379 hmuh an ni a, an zinga 354 te chu ZMC atanga hri kai hmuhchhuah niin a dang 25 te chu Lunglei-a RT-PCR Laboratory atanga hri kai hmuhchhuah an ni. Fluorescent Immunoassay Test hmangin Aizawl-ah Sample 83 enfiah niin hri kai mi 28 hmuh an ni a, an vai hian Aizawl khawpui chhung a mi te an ni.

District hrang hrang zinga TrueNat Laboratory 8-ah niminpiah khan Sample 179 enfiah ni bawkin heng atang hian hri kai mi 33 hmuh an ni a, an zinga 15 te chu Mamit District ami te niin Aizawl District-ah 10, Serchhip District-ah 4, Saitual District-ah 2 leh Champhai leh Hnah-thial District-ah mi pakhat ve ve te an ni.

Rapid Antigen Test hmangin niminpiah khan Mizoram-ah Sample 6101 enfiah niin heng atang hian COVID-19 hri kai mi 1624 hmuhchhuah an ni a, an zinga 1043 te chu Aizawl District-a hri kai hmuhchhuah te an ni a, hri kai hmuhchhuah tam zawk hi Aizawl khawpui chhung a mi te an ni. Heng bakah hian Mamit District-ah hri kai mi 156 hmuh niin Lunglei District-ah 112, Kolasib District-ah 99, Saitual District-ah 71, Serchhip District-ah 58, Champhai District-ah 30, Hnahthial District-ah 24, Khawzawl District-ah 15, Lawngtlai District-ah 9 leh Siaha District-ah hri kai mi 7 hmuh an ni.

Nimin khan Mizoram-ah hri kai mi 1250 te chu enkawl dam an ni ve leh a, heti hian nimin tlai thlenga Mizoram-a hri kai hmuhchhuah tawh chu 1,67,725 niin an zinga 1,54,663 te chu enkawl dam an ni tawh a, hri kai zinga za zela 92.21 te chu enkawl dam ni tawhin hri kai enkawllai 12,469 an la awm a, hri kai zingah mi 593 zet an boral tawh bawk a ni.