Assembly-a thawk ten inhlanna an nei

Mizoram State Legislative Assembly-a thawktute chuan nimin khan Assembly Annexe Conference Hall-ah inhlanna leh infuihtharna hun an hmang a, Assembly Speaker Lalrinliana Sailo leh Deputy Speaker Er. Lalrinawma te pawhin an telpui a ni.

Speaker Lalrinliana Sailo chuan kum thar 2022 tluang taka Pathian-in a hruai thleng chu a lawmawm takzet tiin, kum 2022 chu Mizoram Legislative Assembly Golden Jubilee kum tur a nih thu leh a lawmna buatsaih chungchangah thawktute thahnemngaihna leh inpekna nasa tak a ngai dawn tih a sawi bawk. Deputy Speaker Er. Lalrinawma pawhin thawktute pawhin an thawhpuite bula hlim hmel pu chungin, hawihhawm taka min dawr tute hmachhawn a ngai tih he hunah hian a sawi bawk a ni.