SEDP-a hmalakna thlirho

Nimin khan AH & Vety Minister Dr. K. Beichhua hovin SEDP hnuaia Veterinary and Sericulture Board hmalakna thlirho a ni.

AH & Vety Minister Pisa-a thutkhawm ah hian SEDP hnuaia Veterinary and Sericulture Board Member leh Department hotute telin Minister chuan SEDP hnuaia Board hrang hrangte kum kalta ah COVID-19 hripui leng avangin duh angin inhmuhkhawmna hun tam tak an neih theihloh thu sawiin, kum thar ah tha thar leh beiseina thar nen hmalakna tur thlirho a, kum hmasa lama Pilot Project an lokal pui tawh dinhmun te sawiho a tul tih a sawi a. SEDP hnuaia beneficiaries te dinhmun hriatchian leh Aizawl District chhung bik a Spot Verification neih a nih tur thu a sawi bawk.

He hunah hian SEDP kaltlanga Sericulture Department in an hmalak tawhna ngaihthlak niin kum 2019-2020 a Pilot Project hrang hrang beneficiary te hnenah First Installment leh Second Installment pek an ni tawh a. Zokhawthar-a Animal Quarantine Centre pawh cheng nuai 35.28 a sak zawh a nih thu leh Spot Verification pawh Mamit District chhungah tih tawh a ni tih tarlan a ni a, beneficiary ten tha takin hma an la a ni tih tarlan a ni bawk. Pilot Project kal mek bakah Mamit chhunga khaw 8 atangin beneficiary thar mi 43 chu Department in a list chhuah thu sawi a ni bawk a. Silk tharchhuah nan Central Silk Board-ah Muga leh Eri tharchhuah nan project Central Cabinet te pawm atan a inchhiah mek thu sawi a ni bawk.

AH & Vety Department chuan African Swine Fever avanga Mizoram chhunga ran-vulhtu ten harsatna an tawh te tarlangin, ranvulhtute hamthatna leh zangnadawmna ngaihtuah turin leh a tul anga hotute hmu turin Board Vice Chairman chuan hma lo la se an ti a. Revised Estimated Cost for Piggery & Poultry Farming Under SEDP 2022-2023 te thlirho a ni bawk.