Category pathum-ah Serchhip Tleirawl a chawmpion

Mizoram Badminton Association Official Championship 2022 khelh zawh takah Lalrem-puii, Serchhip Ramthlun Veng chu a khelhna Category pathum (3)-ah a champion vek.

Kumin a Mizoram Badminton Association Official Championship hi MBA leh TATA Trusts te tang-kawp in an buatsaih niin hri leng avanga SOP thar hman a nih avangin tum anga khelh zawh theih a ni ta lo a, Serchhip atanga tel kum 14 a upa Lalrempuii d/o Albert Lalrosanga (L), Ser-chhip Ramthlun Veng hi Under-19 Girl’s Singles, Under-17 Girl’s Singles leh Under-17 Girl’s Doubles-ah te telin a champion vek a ni.

MBA Ranking Tournament-ah hian mi pakhat tan Category thum (3) ah chiah a tel theih a, Lalrempuii hi Serchhip RDC Coach Albert Lalnunhlima hnuaia inzir niin tun tumah hian Serchhip Kawnpui Badminton Club (SKBC) hmingin a khel a ni.

Tun tuma Mizoram Badminton Association Official Championship-ah hian Serchhip atanga kal zingah lawmman la phak an awm nual a, Under-15 Boy’s Singles-ah Vanlalpekhlua Sailo chu a champion bakah Under-15 ah bawk hian Double-ah Malsawmhlua nen an champion a. Lalremfeli chu Under-19 Girl’s Double-ah VL Hmangaihzuali (SPBC) nen pahnihna niin Lalhlupuii Zadeng pawh Under-17 Girl’s Double-ah S. Lalruatpuii (BBC) nen pahnihna an ni a, Lalnuntluanga leh Malsawmzuala te tangdun chu Under-17 Boy’s Double-ah pahnihna niin Mal-sawmtluanga leh Lalthuthlungmawia te tangdun pawh Under-13 Boy’s Double-ah pahnihna an ni bawk.