Electoral Roll tarchhuah thar ah Mizoram-ah Vote nei thei 833,426 an awm

Mizoram District hrang hrangah Electoral Roll Special Summary Revision neih zawh a nih hnuah tun dinhmunah Mizoram pumah vote nei thei 8,33,426 an awm mek.

Chief Electoral Officer, Mizoram in thuchhuah siama a tarlan danin Electoral Roll thar hi Mizoram District 11-ah tarchhuah niin Mizoram-a Assembly bial 40-ah Polling Station 1247 a awm mek a, District 11-ah hian Vote nei thei mipa 4,04,967 leh hmeichhia 4,28,459, an vaiin 83,3,426 an awm mek a, Vote nei thei zingah hian mipa aiin hmeichhia hi 23,492 zetin an tam zawk a ni. Tunah hian Mizoram pumah Service Voters Mipa 497 leh Hmeichhia 86, a vaiin 5061 an awm mek bawk a. District hrang hrang 11 zingah Aizawl District chu Vote nei thei tamna ber a ni.

CEO Office thuchhuah chuan India khua leh tui diktak, ni 01.01.2022 a kum 18 tling tawh, rokhawlhna avanga Summary Revision lai a Electoral Roll a inthun hmanlo leh siamthat ngai siamtha duh te chuan mahni bialtu ERO/AERO/BLO hnenah dilna theh-luh theih a ni a. Dilna hi https://nvsp.in, https://voterportal.eci.gov.in/ leh voter Helpline App atang te in thehluh theih a ni bawk.