Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Aizawl-ah Atal Tinkering Laboratory (ATL) hawng

School Education Director James Lalrinchhana chuan nimin khan Govt. Mizo High School, Aizawl-a Atal Tinkering Laboratory (ATL) siam thar chu a hawng.

Atal Tinkering Laboratory hi NITI Aayog, Govt. of India Flagship Prog-ramme pakhat Atal Tinkering Laboratory (ATL), Atal Innovation Mission (AIM) in a kalpui a ni a, cheng nuai 10 hmang senga din a ni a, a hnuah cheng nuai 2 zel, kum tin hmuh chhunzawm theih tur a ni a, chumi nen chuan a project pumpui hian cheng nuai 20 a keng a ni. He project hi Robtech Pvt. Ltd. leh Symphony Explorer Pvt. Ltd. an enkawl a, India ramah School 9500 leh Student nuai 75 ten an chhawr dawn a ni.

Nimin-a Govt. Mizo High School-a ATL hawnna ah hian School Education Director chuan tunlai khawvel hmasawnna nasa tak karah Science lama tuihalna zirlaite ah kan tuh a ngai tih sawiin, hetiang atana Laboratory chang-kang leh tunlai thiamna hmanga thuam Laboratory tha tak Govt. Mizo High School in an nei chu lawmawm a tih thu a sawi. He School atang hian mithiam tha tak tak, Scientist-te an lo chhuak belh zel dawn a ni a ti. School Education Director chuan zirlaite chuan nakina khawvel nun-phung rawn inherchhuak zel tur hi an hmuh thiam a ngai tih sawiin, chutiang anih loh chuan hma-sawnna kan umpha ngai dawn lo a ni, a ti.

Comments

Popular News (Last 30 Days)