Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Mizoram-ah hri kai hmuhchhuah an la pung zel

Mizoram-ah COVID-19 hri kai hmuhchhuah an la tlem thei tak tak lova, niminpiah khan Mizoram pumah Sample 8190 enfiah niin heng atang hian hri kai mi 1312 zet hmuhchhuah leh an ni a, Sample enfiah atanga za zela 16.02 te chuan hri an kai a ni.

Niminpiah khan ZMC-a RT-PCR Laboratory-ah Sample 577 enfiah niin heng atang hian hri kai mi 191 hmuhchhuah an ni a, Fluorescent Immunoassay Test hmangin Aizawl leh Serchhip District atanga Sample lak 102 enfiah ni bawkin heng atang hian hri kai mi 41 hmuh an ni a, an zinga 37 te chu Aizawl District-a Sample lak niin Serchhip District atanga Sample lak atangin hri kai mi 4 hmuh an ni a, an vai hian Thenzawl khua an ni.

District hrang hranga TrueNat Laboratory-ah Sample 249 enfiah niin heng atang hian hri kai mi 68 hmuh an ni bawk a, an zinga 25 te chu Khawzawl District ami te niin Lunglei District atangin 23, Kolasib District atangin 10, Aizawl, Siaha leh Mamit District atangin 3 theuh leh Serchhip District atangin hri kai mi pakhat hmuh an ni.

Rapid Antigen Test hmangin Mizoram hmun hrang hrangah Sample 7262 enfiah niin heng atang hian hri kai mi 1012 hmuhchhuah an ni bawk a, an zinga 541 te chu Aizawl District-a Sample lak te niin Serchhip District atangin 91, Lunglei District atangin 88, Mamit District-ah 79, Kolasib District-ah 46, Khawzawl District-ah 35, Champhai District-ah 34, Saitual District-ah 33, Hnahthial District-ah 29, Lawngtlai District-ah 19 leh Siaha District-ah hri kai mi 17 hmuh an ni bawk.

Nimin khan tlai dar 5:00 thlengin Mizoram-ah hri kai enkawl dam mi 918 an awm belh leh a, heti hian nimin tlai thlenga Mizoram-a hri kai hmuhchhuah tawh chu 1,55,070 niin an zinga 1,46,403 te chu enkawl dam an ni tawh a, hri kai hmuhchhuah atanga za zela 94.41 te chu enkawl dam ni tawhin hri kai enkawllai 8091 an la awm a, hri kai te zingah mi 576 boral tawhin nimin bikah he thu buatsaih lai thleng hian mi pakhat a boral a ni.

Comments

Popular News (Last 30 Days)