Home Minister in thilpek hlan

Home Minister leh Hrangturzo bialtu MLA Lalchamliana chuan nimin khan a bial chhunga hri leng tuar mek khaw pathum te hnenah tanpuina a hlan.

Home Minister hian hri kai tam tak awm mekna Bungtlang khaw tan Rs. 40,000/- hlanin Piler tan Rs. 20,000/- leh Biate tan Rs. 10,000/- a hlan a, Hrangturzo bial-ah hian khaw 9-ah hri kai hmuh ni tawhin a hma lama hri kai lo hmuh tawh te nen an bial chhunga khaw 17 ah hri kai mi 812 hmuhchhuah an ni tawh a, mi 56 te enkawl dam ni tawhin hri kai enkawllai mi 756 an awm mek a ni.

Home Minister chuan Krismas leh kumthar vuakvet boruak atanga hri kai an awm belh zel chu pawi a tih thu sawiin, hripui hian eng chen nge min la chiah dawn hriat a nih loh avangin SOP ngai pawimawh zel turin mipuite a ngen a. Sawrkar tha tichak zawnga hma la tura bial mipui te ngenin hri kai te pawh dam thuai turin duhsakna a hlan nghal bawk.

Comments

Chhiar Hlawhte