Intiam anga sem an phut

ZPM Thalai chuan MNF Party chu an intiam tawh ang ngeia SEDP chu sem tura an phut thu an sawi.

ZPM Thalai chuan thuchhuah siamin an sawrkâr hmaa chhûng tin hnêna SEDP cheng nuai thum aia tlem lo, nuai thum chung lam sem tiamtu MNF President, Mizoram Chief Minister ni bawk Zoramthanga'n sawrkârna an chan hnu, January 28, 2022-a MNF Diamond Jubilee lawmna, Kolasib Diakkawn YMA Hall-ah, SEDP thlangtu tur chu MNF Unit an ni ang, Congress, ZPM leh party dang chhungkua atanga thlan ve an nih a rin loh thu a sawi ta mai chuan Zoram mipuite a barakhaih hle tih an sawi a. “Mipui sum tam tak hi MNF Unit te'n an nawm an mâka an khawih tur em ni? tih hi kan zawhna a ni,” an ti.

“SEDP sum hi mipui sum a nih angin, Party thliar lovin mi zawng zawng chanpual a ni tih hi ZPM Thalai dinna a ni,” tih pawh sawiin, “An sawrkar hmaa NLUP dawng tawh zawng zawng te'n SEDP dawng tura tiamtu Pu Zoram-thanga hian sawrkâr kum tharah chhungkaw 50000-60000 vel lek hnena pêk a tum leh si hi anmahni thlang tlingtu mipuite thamlohna lian takah ZPM Thalai chuan kan ngai,” an ti bawk.

Comments

Popular posts from this blog

Volleyball S/F khel dawn