BJP Mizoram Pradesh in Office hawnna an nei

BJP Mizoram Pradesh chuan kumin atana Aizawl-a an Office hawnna leh inhlantharna hun nimin khan hmangin tunhnaia Padma Shri dawngtu mi pathum te hnenah chawimawina an hlan bawk.

Aizawl-a BJP Mizoram Pradesh Office hawnna ah hian an President Vanlalhmuaka chuan kumthar thuchah a sawi a. BJP Mizoram Pradesh chuan kum 2023 MLA inthlanpui kan neih hunah BJP telna Sawrkar an siam ngei ngei dawn tih sawiin, “Aizawl khawpui ah pawh mi chi hrang hrang Prominent Citizen te kan han kawmkual atangin BJP atang lo chuan Mizoram hmalam hi a thim hle tih hi an hmuchiang hle a, kan Sawrkar hian Intodelh min tiamna pawh a rei ta, nimahsela Central-ah an zin a, Agriculture Minister erawh an hmu lo thung hian, intodelh hi an lo tum lemlo a ni tih a ti chiang viau awm e,” a ti a. “Mizoram hi Kristian ram kan inti a, nimahsela kan nundan erawh a Kristian lo hle thung a ni. BJP hruaitu Pu Atal Bihari Vajpayee leh Pu Modi te kaihhruai hnu ah hian Kristian te tihawm reng hi an ti tlat mai a, chuvangin keini Kristian zawkte hian kan tihloh tur hi kan ti tam hle a ni,” a ti bawk.

Nimin-a he hun hmanna ah hian Mizoram atanga nikum-a Padma Shri dawngtu mi 3- Lalbiakthanga Pachuau, C. Kamlova leh Sangkhumi Bualchhuak te hnenah chawimawina hlan an ni a, PC. Lawmkunga IAS Retd te, PC. Lallawmsanga IPS Retd te, Elizabeth Nongbri BJP National Minority Executive Member,  BJP Mizoram Minority Incharge te pawhin thu an sawi bawk a ni.