Chanchin thar lawrkhawm :

Chapchar Kut sawihona nei

Kumin March 4-a Chapchar Kut hman dan tur ngaihtuahin Chapchar Kut Organising Committee chu nimin khan an Chairman leh Chief Minister Zoramthanga hovin Assembly Annexe Conference Hall-ah an thukhawm a, he hunah hian COVID-19 hrileng hluar thar leh avangin mipui tam tak pungkhawm a lawm a remchan loh thu sawilan niin nikum 2021-a TV leh internet kal-tlanga mipui chhim theih tura Live/Virtual programme buatsaih tak ang khan kumin ah pawh hman leh mai nise tiin an rel a. Kût puala Souvenir siam thin, nikum a tih tak loh chu kumin ah chuan siam leh ngei ni se tih a ni bawk. Kumin Chapchar Kût thupui tur te, Signboard leh Gate siam chungchangte, Media lama hmalak leh programme hman dan tur kimchang zawk leh tul dangte chu Programme Committee in a lo ngaihven zui tura dah a ni thung.


Mamit Dist. hmalakna thlirlet

Aspirational District, Mamit chawikanna tura hmalakna hrang hrangte thlirletna hun chu nimin khan Mamit DC Conference Hall-ah Lal-malsawma Pachuau, State Prabhari leh Mizoram sawrkar-a Secretary, Planning and Programme Implementation Department hovin neih a ni a, he Meeting-ah hian Mamit District hmasawnna tura hmalak tawhna leh hmachhawp hrang hrangte chhawpchhuah niin tan lak leh zualna turte thlirho a ni a. Kawng, Internet Connectivity leh Kawl-phetha thuamthat a nih theihna tura hmalakna te thlirho a ni bawk.


Regularisation Scheme duh

Mizoram sawrkar hnuaia Department hrang hranga thawk Provisional Employee te chu Association hmun khatah inchhunfinin ‘Provisional Employees Association of Mizoram’ tiin an in vuah a, Mizoram sawrkarin hna hnuaihnung zawk thawk, Provision Employee-te regular ve na Austerity Measure May 28, 2020-a tihtawp lailawk chu hlipin Regularisation Scheme hi danchah sak reng lo turin sawrkar chu an ngen bawk.


COVID-19 Flying Squad

COVID-19 hrileng meka sawrkar in inkaih-hruaina a siam te tha taka zawm a nih theihna tura khawchhunhg fangkual tur COVID-19 Flying Squad Team chu Kolasib DC Dr. H. Lalthlangliana chuan nimin khan Kolasib atangin a vailiam a, Flying Squad hi team pathum-ah then niin Zonal Magistrate bakah VLTF leh YMA te an tel a ni.


KTP Gen. Conf. hun sawn

Kumin March 3 - 5 chhunga KTP General Conference vawi 59-na Kolasib Diakkawn Field-a neih tura ruahman tawh chu nimin a Central KTP thukhawm chuan COVID-19 hri leng mek avangin May 5-8, 2022 chhunga neih zawk turin an sawn a, he Conference neihna tur hian Pandal pawh sak tan a ni tawh a ni.


Councillor in lehkhabu hlan

Aizawl Municipal Corporation (AMC) Ward No. VIII Councillor Christina Roluahpuii Sailo chuan Ward Fund atanga a lei Competitive Exam hmachhawn tumte tana tangkai tur lehkhabu hrang hrang chu an Ward chhunga Veng pathum - Armed Veng, Armed Veng South leh Chite Veng YMA Library-ah dah turin nimin khan a hlan a, a tam thei ang berin hmang tangkai se a duh thu a sawi bawk.

Comments

Popular posts from this blog

Volleyball S/F khel dawn