Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Governor hovin Republic Day hman a ni

India Republic Day vawi 73-na chu nimin khan Mizoram District khawpui hrang hrangah urhsun taka hman a ni.

Mizoram-a Republic Day lawmna pui ber Aizawl Sipai Lammual-a neih ah Governor Hari Babu Kambhampati chuan India HnamPuanzar pawtparhin Parade contingent ruat bik ten HnamPuanzar zahna chibai an buk a chhanglet a ni. 

Governor chuan mipuite hnenah thuchah sawiin COVID-19 hri leng karah pawh India ram chuan hmalam pan zelin nasa takin kawng tinreng ah hma a sawn a ni, a ti a, tlawmngai pawl hrang hrang, Kohhran mite, mipuite leh Frontline Workers ten tha taka Sawrkar hmalakna an thlawp tlat avangin Mizoram in hrileng an tawrh nep phah a, a lawmawm takzet a ni, a ti a. Hri danna pek tha taka kalpui a nih chungchangah Media te kaltlanga inzirtirna kalpui chu a hlawhtlinna tih a sawi a. Heng tanrualna te avang hian Mizoram chu Hripui leng avanga nunna chan awm tlemna ber State a ni thei a, hri do kawngah a hlawhtling thawkhat hle a ni, a ti.

Comments

Popular News (Last 30 Days)