GSC in NAAC-a Grade A an kai lawmna neih a ni

/

Govt. Serchhip College in NAAC Cycle III Assessment-a Grade A a kai lawmpuina hun chu nimin khan Govt. Serchhip College Academic Building-ah neih a ni a, he hun hi Serchhip District Bawrhsap thar tur leh Higher & Technical Education Director Nazuk Kumar IAS leh R. Lallianzuala, Joint Director, QAC, Higher & Technical Education bakah khawtlang hruaitu dang ten an telpui bawk.

Serchhip a zirna in sang ber Govt. Serchhip College te hian tunhnaiah khan India rama zirna in endiktu sang, National Assessment and Accreditation Council (NAAC) atangin Grade A an hmu a, Mizoram sawrkawr enkawl College zingah Grade A hmu thei awm-chhun an la ni.

Govt. Serchhip College hi kum 1973 khan Serchhip leh Chhiahtlang khawtlang tang-rualin an din a ni a, tunah hian zirlai 494 leh thawktu 71 an awm mek a. India rama zirna endiktu NAAC Assessment hi vawi 3 an hmachhawn tawh a, Assessment hmasa ber hi kum 2011 khan niin Grade B an hmu a. Kum 2016 khan Assessment Cycle-II hmachhawn lehin Grade B+ an hmu leh a, kum 2022 kumtirah Assessment Cycle-III hmachhawn lehin Grade A an hmu ta a ni. NAAC Cycle-III na tur atan hian December thla tawp khan endik niin January 4 khan result tihchhuah a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »