Tun thla ah hri kai 2251 hmuh an ni tawh

Serchhip District chhungah tun thla chhungin COVID-19 hri kai mi 2251 hmuhchhuah ni tawhin Sample enfiah zawng zawng atanga chhutin za zela 17.80 in hri an kai a ni.

Serchhip CMO Office atanga thu kan dawn danin tun thla, January 1, 2022 atanga January 18 thleng khan Serchhip District-ah Sample 12,640 enfiah ni tawhin heng te hi Rapid Antigen Test hmangin 11,913; TrueNat Laboratory-ah 172 leh Fluorescent Immunoassay Test hmangin 555 te an ni a, heng atang hian hri kai mi 2251 hmuhchhuah ni tawhin Sample enfiah atanga za zela 17.80 in hri an kai a ni.

Hetihlai hian kum 15 leh 18 inkar te hnena COVID-19 Vaccine pek hna pawh ngawrh taka kalpui chhunzawm zel ala ni a, Serchhip District-ah hian kum 15 leh 17 inkar mi 3305 te hnenah Covaxin pek tura ruahman ah mi 2620 te vaccine dose 1-na pe tawhin za zela 79.27 te pek tawh ang a ni a, kum 18 chunglam mi 47,771 te vaccine pek turah za zela 96 te dose 1-na pe tawhin za zela 84 te dose 2-na pek an ni tawh a, mi 923 hnenah Precaution dose pek an ni tawh bawk.