Bawrhsap Pisapui kan chhan tihluih ni lo ah ngai

Nikum (2021) December 17 zing dar 3:15 vela Aizawl Bawrhsap Pisapui kan chhan chhui tura din Magisterial Inquiry chuan sawrkar ah a report thehlutin Pisa kan chhanah tihluih thil a awm lo ah a ngai.

Thudawn danin, Magisterial Inquiry report-ah hian Bawrhsap Pisapui kan chhanah tihluih thil tih hmuh a nih loh thu tarlan a ni a, a kan chhan hriat ni lo mah se, vanduaina thilah ngaih a ni. Kângmei hi Election Branch chhung atanga chhuak a nih thu tarlan a ni.

Aizawl-a Bawrhsap Pisapui kan chhan chhui tur hian Aizawl Municipal Corporation (AMC)-a Joint Municipal Commissioner H. Lalhmingthanga ruat a ni a, January 1, 2022-ah report thehlut tura tih ni mah se, a dil angin ni 10 chhung hun pek belh a ni.

Aizawl Bawrhsap Pisapui hi kum 1890-ah luah tan a ni a, kum 131-a upa niin kum 1870-a hawn Tlabung Post Office dawta Mizoram-a Pisa awm hmasa ber a ni.