Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Rilru lam hriselna hi taksa pawnlang hriselna ang thova pawimawh a ni - Governor

Mizoram Governor Hari Babu Kambhampati chuan rilru lam hriselna chu taksa pawnlang hriselna ang thova pawimawh a nih thu a sawi.

Mizoram University-a Department of Clinical Psychology in an buatsaih 57th National and 26th International Conference of the Indian Academy of Applied Psychology (IAAP) hawnna nimin a biak hmuh theihna hmanga neih a hmanpuina ah he thu hi sawiin Governor chuan Hri leng vangin khawvel puma mihringte nun a chep em em a, hetiang karah hian rilru lama harsatna nei tam tak an awm phah thu leh rilru lam hriselna chu taksa pawnlang hriselna ang thova pawimawh a nih thu a sawi a. Tun hrileng karah rilru lama harsatna tawk mi tam tak te hian kaihruaina tha an mamawh tih sawiin, mithiamte chuan mipui hnenah zirtirna nasak zawka an pekchhuah a ngai, a ti a. Mizoram mai ni lovin hmundangah te pawh Zirlaite chuan zirna In-ah lehkha an zirthei lova, online hmanga zirtir an ni deuh ber a, taksa insawizawina hun takngial pawh an neih loh avangin rilru lamah harsatna te an tawk ang tih a hlauh awm em em a. Hetiang hunah tak rilru lam zirmi mithiam ten inrawn khawmna hun leh mipui te mamawh rilru hriselna tha zawka zirtir dan tur an sawiho chu thil tih awm tak a ni, a ti.

Ni 2 awh tur he Conference-ah hian ‘Relevance of Psychology on Pandemic Condition and its impact on well-being in the digital world’ tih chu thupui-ah hman niin Governor hian 57th National and 26th International Conference of the Indian Academy of Applied Psychology (IAAP) puala Souvernir buatsaih chu a tlangzarh nghal bawk.

Comments

Popular News (Last 30 Days)