Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Bialtu MLA leh MZU-a mithiam ten Kawlri tlawh

Serchhip Kawlri tlang-a ‘Historical Village’ din tuma hmalakna kal mek chu nimin khan Serchhip bialtu MLA leh MZU-a mithiam te chuan a hmunah tlawhin a hmunhma te an en ho.

Serchhip Vengchung-a Serchhip Heritage Society te hmalakna hian Serchhip Kawlri tlang-ah hian ‘Historical Village’ din tumin hmalak mek a ni a, ruahmanna pawh chi hrang hrang siam a ni tawh a, nimin kha bialtu MLA Lalduhoma ho hian hemi lama mi thiam MZU-a Professor-te, Architect leh Engineer te chuan helai hmun hi tlawhin Serchhip Heritage Society hruaitu ten an lo dawng-sawng a, an hmachhawp hrang hrang te leh chumi atana hmalak dan turte an sawiho a; DPR siamna atana sum sen ngai chu a tum sak tur thu bialtu MLA chuan a sawi bawk a ni.

He hunah hian Serchhip bialtu MLA chuan he project kal mek hi a len tham avangin, chuti maia tun tut tuta peihfel mai theih a ni loh thu leh hun a duh deuh dawn avangin, a puitlin ngei theihna tura thawhho zel a pawimawh thu a sawi a, Bialtu MLA a nih anga theihtawpa hma a lo lak zel tur thu a sawi bawk.

Serchhip bialtu MLA hian MUP Ser-chhip Vengchung ten Zozam Veng-a ‘MUP In’ an sak chu a tlawh bawk a, he MUP In sakna atan hian bialtu MLA chuan MLA Fund atangin sum engemaw zat a lo pe tawh bawk a ni.

Comments

Popular News (Last 30 Days)