Vaimim leh Bekang chin chungchang sawiho

Nimin khan Agriculture Development Board chu an Chairman leh Agriculture Minister C. Lalrinsanga hova thukhawmin Sawrkar Flagship programme SEDP hnuaia Agriculture Department hmalakna tur – Vaimim leh Bekang chin chungchang an sawiho.

He thutkhawm SAD Conference Hall-a neih ah hian Agriculture Minister C. Lalrinsanga chuan SEDP hmalakna a kum 2019-20 a Vaimim chin chu a hlawhtling in tharchhuah a pung a, chuvangin Vaimim chin hi la kalpui zel tha tiin Vaimim leh Bekang chin lamah SEDP hnuaia hma lak tum niin ruahman siam a nih thu a sawi a. Vaimim chingtu te thoin, an ram ngaiah Vaimim an thar zawha, Bekang an chin lehin lei hanna engemaw chen a siam thei leh a, chuvangin thlai pahnih hi Relay Cropping anga kalpui a ni dawn tih a sawi a. Beneficiary thlanna chungchang sawiin inkaihhruaina Planning Department in an chhuah chu Department in uluk takin a kalpui dawn a, a vilna pawh an uluk hle dawn tih a sawi bawk.

He thutkhawm ah hian Planning Department in ruahmanna an siam chu sawiho anih hnuin Board chuan SEDP hnuaia Vaimim leh Bekang chingtu chhungkaw zat tur chu 10,000 ve ve nise tiin an rawt a. Loneitute hmakhua ngaiin leh lei hanna tha tur ngaituahin Vaimim leh Bekang ching hi chhungkaw thuhmun nise tih a ni bawk a. Heng thlai te chi hnih te hi hlawhtling taka chin anih theih nan a chinna hmun tur pawh uluk taka thlan nise; inkaihhruaina pawh mumal taka siamin, Sawrkar flagship programme anih angin uluk leh fimkhur taka kalpui nise an ti a ni.

Comments

Popular posts from this blog