Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

COVID-19 hri kai an pun chhoh mek avangin Mizoram-ah ‘COVID-19 No Tolerance Week’ hmang dawn

Mizoram-ah COVID-19 hri kai an pun chhoh leh mek avangin Vawiin atang hian ‘COVID-19 No Tolerance Week’ hman a ni dawn a, Serchhip District-ah pawh District Bawrhsap chuan ‘COVID-19 No Tolerance Week’ hman tur a nih thu leh hemi atana kaihhruaina siam te chu thuchhuah siamin a tarlang bawk.

Hemi chungchanga Chief Secretary leh Chairman, State Executive Committee ni bawk Dr. Renu Sharma-i’n thuchhuah siama a tarlan danin COVID-19 hri darh zel tur ven nan Mizoram Sawrkar chuan January ni 8 atanga January ni 31, 2022 thlenga hman turin inkaihhruaina tihchhuah a nih tawh thu leh Hri kai hi an pun chhoh mek zel avangin, hri leng zel tur ven nan leh hri inkaidarh zel a lo ziaawm theih nan leh, ‘Covid Appropriate Behaviour (CAB)’ khauh taka kenkawh a nih theih nan ‘COVID-19 No Tolerance Drive’ kalpui tula hriat a ni tih a tarlang a. ‘COVID-19 No Tolerance Week’ hi January 24, 2022 atanga January 31, 2022 zanlar dar 12;00 thleng hman tur a ni ang.

‘COVID-19 No Tolerance Week’ hman chhung hian tun thla ni 7-a inkaihhruaina lo siam tawh chu khauh taka kenkawh tur niin District Disaster Management Authority (DDMA) zawng zawng ten an District huamchhungah CAB khauh takin an kengkawh anga. VLTF/LLTF ten anmahni khua/Veng-ah CAB tha takin an keng-kawh bawk ang. Head of Department/Head of Office ten anmahni Department/ Office-ah khauh takin CAB an kengkawh tur a ni a, DDMA ten hmun remchangah CAB zawm a nih leh nih loh enzuia bawhzuitu tur Incident Commander te leh Executive Duty te an ruat ang.

Heng bakah hian Police Headquarters/District SP ten CAB khauh taka kengkawh turin Police duty-na tur hmun bikte siamin, hmun hrang hrang fang kualtu tur an ruat bawk tur a ni a, Information & Public Relations Department in Media hrang hrang hmangin CAB tha taka zawm a pawimawhzia uar takin an thehdarh bakah VLTF/LLTF te leh CAB Implementation Committee te chuan anmahni khua/Veng-ah CAB tha taka zawm a nih theih nan a khat tawkin thu an puang fo thin tur a ni ang.

Comments

Popular News (Last 30 Days)