Latest News

Grape atang Wine siamchhuah phalloh rel

The Mizoram Liquor (Prohibition) Draft Rules 2020 siam tura Committee din, Mizoram Liqour Prohibition Rules Drafting Study Committee chu nimin khan an Chairman leh Deputy Chief Minister Tawnluia hova thukhawmin Mizo-ram-a Grape chingtute tharchhuah atanga Wine siam phal loh nise an ti.

He Meeting-ah hian Mizoram Kohhran Hruaitute Committee (MKHC), Central YMA leh Mizoram Upa Pawl (MUP) aiawh te telin Mizoram Liqour Prohibition Rules chungchang hi an sawiho a, hun hmasa lama rawtna an lo neih Hnahlan leh Champhai vela Grape chingtu ten an tharchhuah atanga Wine siam chu khawtlang leh Kohhran inrelbawlna enin a remchang lo nia an hriat avangin MLP Rules-ah Wine siam phalna hi telh loh nise an ti a, heng an rawtna hrang hrang te hi Chief Minister hovin Council of Minister in an la ngaihtuah leh dawn a ni.

Tarlan tawh angin Mizoram Liqour Prohibition Rules Drafting Study Committee hi an Chairman hovin tum li an thukhawm tawh a, Mizo-ram Grape Growers Association ten sawrkar a Wine siamchhuah phalna pe turin an lo ngen tawh angin, Wine siamchhuah ah hian alcohol zaa 5 vela sanga siamchhuah nise tiin an lo sawiho tawh bawk a ni. 

Comments

Popular News (Last 30 Days)