Hundang aiin Kumhlui thlah zan-ah boruak-ah bawlhhlawh tam

Serchhip khawpui chhunga boruak thianghlim dan enfiahna ah hundang zawng aiin Kumhlui thlah zan khan boruak-ah bawlhhlawh a tam.

Mizoram Pollution Control Board (MPCB) hnuaia Serchhip a boruak thianghlim dan enfiahtu Field Attendant te chuan Serchhip khawpui chhung boruak thianghlim dan hi Serchhip Bazar leh P&E Veng-ah enfiah reng a ni tih sawiin, December 29, 2021 leh December 31, 2021 zan boruak chu a inthlau ve deuh tih an sawi a, khawl hmanga Serchhip boruak dinhmun an enfiahnaresult kimchang hi la hriat theih loh mah se kumhlui thlah zan khan boruak-ah bawlhhlawh nawi mihring in kan hipluh theih leh theihloh chenin a hma ai hian a nasa zawk tih an sawi a, hei hi kumhlui thlah zan-a halmawi chi hran ghrang hal vang anih theih thu sawiin, a tuk thlengin boruak-a la chambamg te pawh hun dang ai chuan a sang tih an sawi a. Boruak bawlhhlawh dan hi nasa tak erawh a ni lo tih sawiin, amaherawh chu Serchhip dinhmun hrim hrim atang chuan hundang aiin a nasa tih an sawi a. Halpuah leh halmawi vang a nih theih rualin Bazar vel-a mihring leh lirthei tam deuh vang pawh a nih theih thu leh P&E Veng lamah erawh boruak bawlhhlawh dan hi a ziaawm thu an sawi thung.