PM hovin State leh UT ten hri leng sawihona an nei

Niminpiah tlai khan Prime Minister Narendra Modi hovin State tin Chief Minister-te leh Union Territory-a Lt. Governor/Administrator te chuan internet kaltlanga meeting neiin, India rama COVID-19 case pung chho thar leh Omicron Variant darh zel chungchanga hmalakna te sawiho a ni.

He sawihona ah hian Mizoram Chief Minister Zoramthanga pawh telin Prime Minister chuan State tin chu inthlah dul lovin inring reng a awm turin a chah a. Eng Variant pawh lo awm se, vaccine lak chu tunah chuan he hrileng dona hmanraw pawimawh, finfiah sa a la nih reng tih a sawi a. A tul anga inkhuahkhirhna siam chang a awm thu te sawiin, chutihrual chuan mipuite eizawnna leh State ei leh bar khawihna lo thei ang ber zawnga ruahmanna siam nise a ti a. Hri veite enkawl dan kawngah Home Isolation chu a tam thei ang ber kalpui turin leh, Home Isolation a awmte inenkawl dan tur tha taka chhuah a, uluk taka zawm nise a ti bawk.