Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Hri kai enkawllai sing khat aiin tam leh tawh

Mizoram-ah ni khat-a COVID-19 hri kai hmuhchhuah an la pung zel a, hri kai enkawllai pawh mi sing khat aiin an tam leh tawh.

Niminpiah khan Mizoram-ah Sample 6780 enfiah niin heng atang hian hri kai mi 1758 hmuhchhuah an ni a, Sample enfiah atanga za zela 25.93 ten hri an kai a ni. ZMC leh Lunglei-a RT-PCR Laboratory-ah niminpiah khan Sample 589 enfiah niin heng atang hian hri kai mi 128 hmuhchhuah an ni a, an zinga 111 te hi ZMC-a hmuh niin a dang 17 te hi Lunglei-a hmuh an ni a, Fluorescent Immunoassay Test hmangin Aizawl-ah Sample 75 enfiah ah hri kai mi 24 hmuh an ni bawk.

District hrang hranga TrueNat Laboratory-ah niminpiah khan Sample 338 enfiah niin hri kai 58 hmuh an ni bawk a, Rapid Antigen Test hmanga Sample enfiah 5778 atangin hri kai mi 1548 hmuh an ni bawk.

Hemi hma tunkar Thawhtanni khan Mizoram-ah ni khat-a hri kai hmuh tam ber ni thlengin Sample 9199 enfiah atangin hri kai mi 2222 zet hmuhchhuah an ni a, Sample enfiah atanga za zela 24.16 in hri an kai a ni. Thawhtanni-a hri kai hmuhchhuah te hi ZMC leh Lunglei RT-PCR Laboratory-a Sample enfiah 1110 atangin hri kai mi 298 hmuh an ni a, Aizawl leh Serchhip District-ah Fluorescent Immunoassay Test hmangin Sample 136 enfiah niin hri kai mi 55 hmuhchhuah an ni a, an zinga 52 chu Aizawl District ami niin a dang 3 hi Serchhip District, Thenzawl khua an ni.

District hrang hranga TrueNat Laboratory-ah Sample 405 enfiah niin heng atang hian hri kai mi 66 hmuhchhuah an ni bawk a, Rapid Antigen Test hmangin Mizoram-ah Sample 7548 enfiah niin heng atang hian hri kai mi 1803 zet hmuhchhuah an ni bawk.

Niminpiah khan Mizoram-ah hri kai mi 653 enkawl dam niin nimin khan mi 633 enkawl dam an ni leh a, heti hian nimin tlai thleng khan Mizoram-a hri kai hmuhchhuah chu 1,64,127 niin an zinga 1,52,367 te chu enkawl dam an ni tawh a, hri kai hmuhchhuah atanga za zela 92.83 te chu enkawl dam ni tawhin hri kai enkawllai 11,169 an la awm mek a, hri kai zingah mi 591 lai an boral tawh bawk a ni.

Comments

Popular News (Last 30 Days)