Serchhip District-ah COVID-19 a hluar mek

Kumin January ni 1 atanga January 8 chhung khan Serchhip District-ah COVID-19 hri kai mi 925 zet hmuhchhuah niin a tam zawk hi Serchhip District chhung thingtlang khua te an ni.

Chhinchhiahna atanga a lan danin kumin chhunga hri kai 925 zingah hian East Lungdar-a hri kai hmuh tam berin mi 203 lai hmuh an ni tawh a, Bungtlang khua ah pawh hri kai 195 hmuh ni tawh bawkin Sailuilak khua ah hri kai mi 115 hmuh an ni tawh bawk a, Serchhip leh New Serchhip huamchhunga hri kai hmuh tawh chu mi 83 lai an tling bawk a, Thenzawl-ah pawh mi 72 hmuh an ni leh tawh bawk. Krismas leh kumthar vuakvet kan hman liam hnua hri kai hmuh tamna zingah hian Sialsir (38), Hualtu (37), Piler leh Lungpho (35 ve ve), Chhingchhip (31) leh Hmuntha (27) te telin Chhiahtlang, Ngentiang leh Rullam-ah mi 12 theuh hmuh an ni tawh bawk.