Bial PYD inkhawmpui nei

UPC NEI-a Penticostal Youth Department (PYD) te chuan nimin Pathianni hmang khan Bial Inkhawmpui an hmang.

PYD Bial Inkhawmpui hi nikum lamah hri leng avanga hman mumal theih ni lovin rorelna chauh neiin hun hman a lo ni tawh a, kumin ah chuan Inrinni-ah rorelna an neih bakah Pathianni-ah Pathian thuchah ngaih-thlak a ni bawk. Serchhip Pastor Bial PYD Conference vawi 46-na chu Chanmari UPC Biak In-ah neih niin Speaker atan Rev. B. Lalengzauva (Bialtu Pastor) chu hman a ni a, an Bial-ah hian Tualchhung Kohhran 6-ah PYD hi dingih Member 489 an awm mek a ni.

Serchhip Dinthar Bial PYD Conference vawi 21-na pawh nimin Pathianni hmang khan Ramthar Biak In, Darnam Veng-ah neih a ni a, Speaker atan Rev. C. Laldintluanga (Bialtu Pastor) hman niin an bial chhungah hian Tualchhung Kohhran 7 awmin Kohhran 5-ah PYD a ding a ni.