Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Vawk hri leng ziaawm zel

Serchhip District chhung khaw thenkhat a Vawk talh khapna la puan mek chu tun thla tawp ah chuan hlih vek theih beisei a ni.

Serchhip District-ah hian nikum kumtir lamah ASF hri a len avangin khaw hrang hrang 35-ah Vawk talh leh hralh khapna thupek tihchhuah a ni a, hri leng hian tun dinhmun ah ziaawm lam pan zelin nikum November 18-a khapna thupek District Magistrate in a tihchhuah ah chuan khaw 5 tihloh khaw dang zawngah chuan Vawk talh khapna hi hlih a ni ta bawk a ni.

Hetihlai hian tun dinhmun ah Serchhip District chhung khaw hrang hrangah ASF vanga Vawk thi hi a awm meuh tawh lova, nikum December 20 hnu lamah phei chuan ASF vanga Vawk thi chhinchhiah awm tawh lovin tun ang zela hri leng in ziaawm lam a pan a nih chuan tun thla tawp lamah chuan heng khua 5-a khapna te pawh hi hlih theih mai a beiseiawm tih kan thudawnna chuan a sawi a ni.

Serchhip District-a ASF hri lenna khaw 35-ah hian Vawk 3893 zet a thi tawh a, Vawk hri leng darh tur venna atan Vawk 3040 suat a ni hman bawk a ni.

Comments

Popular News (Last 30 Days)