Hri kai 984 hmuh belhin mi 927 enkawl dam an ni

Niminpiah khan Mizoram-ah Sample 6533 enfiah leh niin heng atang hian COVID-19 hri kai mi 984 hmuhchhuah an ni a, Sample enfiah atanga za zela 15.08 te chuan hri an kai a ni.

Niminpiah khan ZMC-a RT-PCR Laboratory-ah Aizawl District atanga Sample lak 643 enfiah niin heng atang hian hri kai mi 166 hmuhchhuah an ni a, Sample enfiah zingah hian Lunglei-a enfiah 43 a tel a, hri kai hmuhchhuah te hi Aizawl District-ah 155 leh Lunglei District-ah 11 te an ni a. Fluorescent Immunoassay Test hmangin Aizawl leh Serchhip- District-ah Sample 94 enfiah an ni a, hri kai mi 21 hmuh niin an zinga 16 te chu Aizawl-a hmuh an ni a, Serchhip District atangin Thenzawl-ah hri kai mi 5 hmuh an ni bawk.

District hrang hranga TrueNat Laboratory-ah niminpiah khan Sample 242 enfiah niin heng atang hian hri kai mi 71 hmuhchhuah an ni a, Mamit District-ah 51, Khawzawl District-ah 12, Champhai District-ah 5 leh Aizawl leh Kolasib District-ah mi pakhat ve ve an ni.

Rapid Antigen Test hmanga Sample enfiah 5553 atangin hri kai mi 726 hmuh an ni bawk a, an zinga 384 te chu Aizawl District-a hri kai hmuh te niin Mamit District-ah 88, Kolasib District-ah 68, Saitual District-ah 50, Lunglei District-ah 37, Khawzawl District-ah 31, Champhai District-ah 24, Hnahthial District-ah 13, Serchhip District-ah 12, Lunglei District-ah 11 leh Siaha District-ah mi 8 te an ni.

Mizoram hmun hrang hrangah nimin khan hri kai enkawl dam mi 927 an awm belh leh a, heti hian nimin tlai thlenga Mizoram-a hri kai hmuhchhuah tawh chu 1,56,054 niin an zinga 1,47,330 te chu enkawl dam an ni tawh a, Mizoram-a hri kai hmuhchhuah atanga za zela 93.81 te chu enkawl dam an ni tawh a, hri kai enkawllai 8146 la awmin hri kai te zingah mi 576 an boral tawh bawk a ni. District hrang hrang zingah Aizawl District chu hri kai enkawllai tamna ber ala ni zel a, Serchhip District in dawtin heng District pahnih ah hian hri kai enkawllai sang khat aiin an la tam a ni.