Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

State sawrkar hriatpuia Smuggling ti awmchhun Mizoram nia a rin thu ZPM Leader in a sawi

ZPM Leader Lalduhoma, MLA chuan Mizoram chu India rama State zingah State sawrkar hriatpuia smuggling ti awmchhun a nih a rin thu sawiin, “Sawrkarin kan Police te kut an phuar tlat a, an Mit hmuh ngeia thil thleng te chu, thuneihna engmah nei lo ang maiin an en liam mai mai thung a ni,” a ti.

He thu hi nimin-a ZPM Elected OB leh Leader ten Aizawl Press Club-a thuthar lakhawmtute an kawmnaah ZPM Leader Lalduhoma chuan a sawi a. Lalduhoma chuan Central Board of Indirect Taxes and Customs, Ministry of Finance in kuhva lakluha tariff chawi zat tur a siam chu kg 1-ah Rs. 371 a nih thu leh hei bakah Basic Custom Duty zaa za leh GST zaa 5 pek leh tur a nih thu a sawi a. Dan anga kuhva lalut tur chuan chawibelh fe a ngai tih a sawi a, hemi awmzia chu India sawrkar hian a thu chuan kuhva lakluh a phal a, a tak takah erawh chuan a phalo tluk a ni, a ti. Lalduhoma chuan kuhva tawlhruk chu Congress sawrkar hnuaiah pawh kum 2 chhung kalpui a lo ni tawh tih he hunah hian sawiin, MNF sawrkar lai pawhin kuhva tawlhruk hi chhunzawm zel niin Home Ministry chuan Manipur leh Mizoram Chief Secretary te kuhva tawlhruk titawp turin kum 2019 khan a hriattir tawh niin a sawi a. Hetah hian India leh Myanmar sumdawngte inkarah Mizoram sumdawngte chu a luankawrah an tan thu te, MAMCO in Mizoram-a tharchhuah ang a lantirin Transit Pass a pek thu te tarlan a ni a, Mizoram sawrkar chuan chhui chian emaw, action lak emaw a tum miah lo niin Lalduhoma chuan a sawi a. Sorkar mitmei ven tur a awm miau loh avangin kuhva tawlhruk chu ualau taka kalpui a ni ta zel niin a sawi bawk.

Lalduhoma chuan kuhva sumdawnnaah hian pawl lian zual 3 an awm tih a sawi a. Heta tel ve tur hi chuan cheng nuai 35 thawh a ngai tih a sawi a. Assam Rifles leh Custom ho an tawn tlang theih nan chung pawl 3 te leh Home Minister chuan fing takin ruahmanna an siam ta niin a sawi a, dan hrulah, mitsiai chungin E-Way Bill hmangin sawrkar chuan GST a la ta niin a sawi a. Sumdawng pawl pali in kalkawngah harsatna an tawh loh nan an aiawha hma latu tur ruling party mi thiltithei tak chu ziak meuhin an ruat tih a sawi a, hmun tam takah kudam lo pungin sawrkar kudam thlengin kuhva leh leichi dah nan ualau taka hman a ni, a ti a. Kuhva bag-ah hian Special bag te, VIP quota te a awm leh zel a, Lengpui Airport atanga thlawhna hmanga thawnchhuah a ni hial tawh niin a sawi bawk.

Lalduhoma chuan nikum July thlaa Cham-phai DC, Maria CT. Zuali’n Home Department a report chipchiar tak leh hmalak dan tur rawtna tha tak a thehluh chuan sawrkar a ko ei zo lo tih pawh sawiin, Champhai District mipuiten Champhai DC, Maria CT. Zuali chhuak lo tura sawrkar an ngenna chu Public Interest a nih sawrkarin a hai nge Vawiin thlengin tihhlawh-tlin sak chu sawi loh, an lam hawia inbiakna emaw hmalakna hrim hrim an nei lo chu mak a tih thu a sawi bawk.

Kuhva tawlhruka a mawhphurtu bulpui ber chu sawrkar a nih thu Lalduhoma chuan sawiin, ZPM an sawrkar chuan kuhva a ni emaw, thildang a ni emaw, dan ang taka an kalpui tur thu a sawi a, an party mi leh sa zingah he thila inhnamhnawih an awm a nih chuan tun atang chuan lo inthiarfihlim turin an beisei tih a sawi bawk.

Hetihlai hian Champhai NGO Coordination Committee in Champhai DC saw tura thuchhuah lo siam tawh sut tura an nawrna kal zelah Central YMA hruaituten Dy. Chief Minister hnena an ngen hnuah February 2022 thleng Champhai DC chu a post ngaia awm rih tura thu an tihtluk theih tak vangin, nimin tlai 5:00 sawrkar nawr nana an hmalakna chu an titawp tih an sawi bawk.

Comments

Popular News (Last 30 Days)