Bawrhsap thar in MJA Member te kawmin khawtlang tana hmalakna tur hrang hrang an sawiho

Serchhip District Bawrhsap thar Nazuk Kumar IAS chuan Serchhip District MJA Member te chu nimin khan a Pisa-a leng-ah sawmin inkawmna an nei a. Bawrhsap chuan Chanchinbu mi te chu sawrkar Mit leh Beng an nih thu sawiin, thawhhopui ah a sawm nghal bawk.

Serchhip District Bawrhsap thar Nazuk Kumar hian tunkar Thawhtanni-a a Pisa a luah hnuah MJA Member te hi a Pisa-a leng ah sawmin inkawmna an nei a, he hunah hian Bawrhsap chuan chanchinbu mite chu sawrkar Mit leh Beng an nih angin District chhunga thil thleng langsar te chu inhriattir tawn a, chak zawka hmalak dan kawng enkimah neih anih theih nan thawhopui ah a sawm a, MJA te nen thawhhona tha tak an lo neih tawh thin thu leh abik in hripui avanga Lockdown lai phei chuan mipuite tan hna tha tak an thawk nia a hriat thu sawiin, lawmawm a tih thu a sawi a. Chanchinbu mite chu mipuite ti chi-ai zawnga thuthar thehdarh lo tur leh thudik leh rintlak chuah chhuah thin turin a sawm a, Serchhip District chhunga sawrkar Scheme hrang hrang atanga hmasawnna hnathawh te chu dik leh felfai taka thawh a ni em tih enfiah kawngah te thawhpuiah a sawm bawk.

Serchhip District Bawrhsap thar chuan Mizoram a awm tawh chinah boruak a muanawm tih sawiin, sawrkar leh tlawmngai pawl hrang hrang te chu an thawhhona a that thu a sawi a, a thawhna hmasa atanga a hmuh danin zirlai naupang te pawhin theihna sang tak an nei tih a sawi bawk a, heng boruak muanawm tak hi vawnnun zel ni se a duh thu a sawi bawk.

He hunah hian MJA Serchhip District President Kapliana Pachuau chuan Bawrhsap in leng-a a sawm chu lawmawm a tih thu sawiin, Serchhip District hmasawnna atana a hnathawhna ah Chanchinbu miten tangkaina an nei anih chuan an inhuam reng tih a  sawi bawk.

He inkawmna ah hian Serchhip District tana hmalakna tur leh an ngaih pawimawh hrang hrang an sawiho a, MJA Serchhip District Member te chuan Serchhip District chhunga hmasawnna hnathawh hrang hrang te chu Fur ruahtui tlak hma a chak taka thawh anih theih nana tan lakpui turin Bawrhsap chu an sawm a, zirlai naupang ten zirna sang zawk bakah Competitive Exam an hmachhawn theihna tura tan lakpui tur leh Serchhip District Hospital lian leh changtlung zawk kan neih thuai theihna tura hmalakpui turte in Bawrhsap in an ngenin an sawm nghal bawk a ni.

Comments

Popular posts from this blog

Volleyball S/F khel dawn