Bawrhsap in Serchhip College a lawmpui

Tunhnaia NAAC Grade A hmu thar Govt. Serchhip College chu nimin khan Serchhip District Bawrhsap Kumar Abhishek chuan an hlawhtlinna lawmpuina hun DC Meeting Hall ah a buatsaih sak.

Nimin-a he hun hmanna ah hian Bawrhsap chuan Serchhip College in India rama College tha berte zinga mi ni phak khawpa hma a sawnna kawnga thawktu zawng zawngte a lawmpui tak zet tih sawiin, District tan hmasawnna ropui leh chhuanawm tak a ni, a ti a, Mizoram hmun dangte leh State dang atang pawha rawn pan tlak zirna In tha a ni tawh a ni, tiin lawmpuina thuziak chu College Principal Lalremsiama hnenah a hlan a ni. GSC hian tehna 7-ah point 3.18 hmuin Grade A pek an ni a, kum 5 a dam dawn a ni.