Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

COVID-19 hri kai hmuhchhuah 1,59,653 tling tawh

Mizoram-ah COVID-19 hri kai hmuhchhuah belh zel an la ni a, nimin thleng khan hri kai hmuhchhuah pawh 1,59,653 an tling tawh.

Inrinni khan Mizoram-ah Sample 5714 enfiah niin heng atang hian hri kai mi 1285 hmuhchhuah an ni a, Sample enfiah atanga za zela 22.49 te chuan hri an kai a ni. Inrinni khan ZMC leh Lunglei-a RT-PCR Laboratory-ah Sample 847 enfiah niin heng atang hian hri kai mi 149 hmuhchhuah an ni a, Fluorescent Immunoassay Test hmangin Aizawl-ah Smaple 45 enfiah niin hri kai mi 15 hmuh an ni bawk. District 6-a TrueNat Laboratory-ah Sample 206 enfiah niin hei kai mi 26 hmuh an ni bawk a, Rapid Antigen Test hmanga Sample enfiah 4616 atangin hri kai mi 1095 hymuh an ni bawk.

Zirtawpni khan Mizoram-ah Sample 5766 enfiah niin hri kai mi 1116 hmuhchhuah an ni a, Sample enfiah atanga za zela 19.35 te chuan hri an kai a, RT-PCR hmangin ZMC leh Lunglei-ah Sample 442 enfiah niin hri kai mi 68 hmuh an ni a, an zinga 61 chu Aizawl District-ah niin midang 7 hi Lunglei District ami te an ni. Fluorescent Immunoassay Test hmangin Aizawl leh Serchhip-ah Sample 90 enfiah niin hri kai mi 21 hmuh an ni a, an zinga 19 te chu Aizawl District ami te niin Serchhip District-ah hri kai mi 2 hmuh an ni bawk. District 8-a TrueNat Laboratory-ah Sample 205 enfiah niin hri kai mi 32 hmuh an ni a, Rapid Antigen Test hmangin Sample 5029 enfiah ah hri kai mi 995 hmuh an ni bawk.

Inrinni khan Mizoram-ah hri kai mi 1045 enkawl dam an ni a, nimin khan hri kai mi 872 te enkawl dam ni lehin heti hian nimin tlai thleng khan Mizoram-a hri kai hmuhchhuah chu 1,59,653 niin an zinga 1,59,099 te chu enkawl dam an ni tawh a, hri kai hmuhchhuah atanga za zela 94.02 te enkawl dam an ni tawh a, hri kai enkawllai 8973 an la awm mek a ni. Hetihlai hian hri kai zingah boral awm belh zelin nimin tlai thleng khan mi 581 an boral tawh bawk a ni.

Comments

Popular News (Last 30 Days)