Latest News

Serchhip-ah Mizo infiamna hmanga inelna neih tan a ni

Image
Serchhip Sub-Hqrs. YMA huamchhunga YMA Branch hrang hrangte Mizo Infiamna chi hrang hrang hmanga an inelna tur, ‘Aizawl DD Mizoram Indigenous Games 2024 (Inter-Branch YMA Competition, Serchhip District)’ chu nimin khan Serchhip P&E Veng-a Leisekawt Mual-ah neih tan niin Vawiin hian zawhfel a ni ang.

SEDP-ah chhungkaw 50,000-60,000 tuam dawn

MNF President leh Chief Minister Zoramthanga chuan kumthar ah an sawrkar Flagship Programme SEDP hnuaiah chhungkaw 50,000-60,000 tuam an ni ang tih a sawi.

Nimin-a Kolasib Tuitha Veng-a MNF Diamond Jubilee lungphun a hawnnaah he thu hi sawiin Chief Minister chuan Sawrkar kumthar atang chuan SEDP kalpui tum a ni tih a sawi a. COVID-19 vanga harsatna sawiin, nikum chhung khan Central atanga lokal tur Budget-a an dah vek tawh cheng vbc. 2800 vel a lokal thei lo a, harsatna nasa tak hmachhawn turin Pathian in MNF sawrkar a dah a, tunah chuan an palchhuak mek zel a, heng harsatnate hi an thatna tur zawk zel a ni tih a sawi a. MNF-in kum 60 a tlinna kawngah harsatna tam tak karah a hming pawh thlak hauh lova a ding thei chu a ropui a, Mizoramah phei chuan kum 60 tling party an awm lo lehzual tih a sawi bawk.

MNF President Zoramthanga hian Kolasib Diakkawn-ah Mizo Hnam Run a hawng bawk.

Comments

Popular News (Last 30 Days)