Mizoram-ah COVID-19 hri kai an la pung zel

Niminpiah khan Mizoram-ah Sample 5579 enfiah leh niin heng atang hian COVID-19 hri kai mi 1535 hmuh belh leh an ni a, Sample enfiah atanga za zela 27.51 te chuan hri an kai a ni.

Niminpiah khan ZMC leh Lunglei-a RT-PCR Laboratory-ah Sample 1226 enfiah niin heng atang hian COVID-19 hri kai mi 253 hmuhchhuah an ni a, an zinga 232 te hi ZMC atanga hmuh niin a dang 21 te hi Lunglei atanga hri kai hmuh te an ni. Fluorescent Immunoassay Test hmangin Aizawl District-ah Sample 54 enfiah ni bawkin heng atang hian hri kai mi 28 hmuh an ni a, an vai hian Aizawl khawpui chhung a mi te an ni.

District pali-a TrueNat Laboratory atangin niminpiah khan Sample 153 enfiah niin hri kai mi 33 hmuh an ni bawk a, an zinga 13 te chu Mamit District ami te niin Champhai District-ah 12 leh Serchhip District-ah mi 8 te an ni.

Mizoram hmun hrang hrangah Rapid Antigen Test hmangin niminpiah khan Sample 4146 enfiah ni leh bawkin heng atang hian hri kai mi 1221 hmuh an ni a, an zinga 799 te chu Aizawl District atanga hri kai hmuh te niin Mamit District-ah 121, Lunglei District-ah 92, Kolasib District-ah 61, Saitual District-ah 54, Serchhip District-ah 38, Champhai District-ah 28, Khawzawl District-ah 15, Hnahthial District-ah 10 leh Lawngtlai District-ah mi 3 te an ni.

Nimin khan Mizoram-ah hri kai mi 1046 te enkawl dam an ni leh a, heti hian nimin tlai thlenga Mizoram-a hri kai hmuhchhuah chu 1,65,661 niin an zinga 1,53,413 te enkawl dam ni tawhin za zela 92.61 te enkawl dam an ni tawh a, hri kai enkawllai 11,757 leh hri kai boral 591 an awm bawk a ni.