Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Hri leng vangin ramdang mi rawn zin an tlem

Nikum 2021 chhung khan COVID-19 hripui leng vangin ramdang mi (foreiner) Mizoram rawn zin an tlem hle a, hetihlai hian tunhnai kum 6 chhungin Mizoram tlawh a zin foreigner 3,828 an awm.

CID (Special Branch) hnuaia Foreigner Registration Office chhinchhiah danin, nikum 2021 chhung khan Foreigner Mizoram tlawh a zin mi 129 an awm a, May thla ah khualzin an awm lo a, thla dang zawngah erawh foreigner rawn zin awmin, December ah mi 33 rawn zin an awm a, hei hi khualzin tam ber thla a ni.

Kum 2020 khan foreigner rawn zin mi 312 an awm a, January - March ah khualzin an awm nual laiin, Covid hri leng vanga inkharkhip a nih hnu April - December chhungin khualzin an awm mumal lo a. Kum 2019-ah foreigner Mizoram tlawh mi 963 awmin, kum 2018 ah mi 734 an awm a, kum 2017-ah mi 1,155 awmin, kum 2016-ah mi 956 an awm bawk a ni.

  Foreigner Registration Office-a thawktute sawi danin, Mizoram tlawh/hnathawk a rawn kal ten Mizoram an rawn thlen veleh an thlenna hmun atangin Online Self Registration an ti tur a ni a, Rgistration hi ramdang mi, Visa type hrang hrang nei ten tih vek tur a ni. Foreigner Mizoram tlawh a lokal te chu an Visa neih mil chauh an khawsa thei a. Visa neih mil baka khawsa, Visa dan bawhchhia te chu India ram lut thei tawh lo tura blacklist, lung In tan leh pawisa chawitir thlenga hrem theih an ni bawk.

Comments

Popular News (Last 30 Days)