Chhiahtlang South VC Executive body insiamthar a ni

Chhiahtlang South Village Council-a Treasurer in a nihna atanga banna a thehluh avangin Executive Body thar siam a ni.

Chhiahtlang South VC-a Treasurer leh Independent-a thlantlin C. Lalrinmawii hian an kalphung hrang hrangte ngaihtuahin Treasurer atanga a banna hi tunhnai khan an VCP hnenah a thehlut a, hetianga banna a thehluh tak avang hian ZPM Ticket atanga thlantlin H. Lalrawngbawla chu VC Treasurer atan hian ruat niin niminpiah khan sawrkar pawmpui turin Serchhip DLAO-ah thehluh a ni.

Heti hian Chhiahtlang South VC-ah hian R. Lalremchhunga (MNF) chu President la niin K. Lalbiakmawia (INC) chu Vice President a ni a, H. Lalrawngbawla (ZPM) chu Treasurer niin H. Lalrinawma (INC) leh C. Lalrinmawii (IND) te Member ah an awm a, K. Lalfakzuala chu Secretary a la ni zui dawn a ni.

Chhiahtlang South VC Treasurer atanga bang ta C. Lalrinmawii hian VCP hnena lehkha a thehluh ah hian khawtlang administration a hmalakna hrang hrangah an hlawhchham thu te, tun term an hman mekah sawrkar in dan pang-ngaia VC kaltlanga hmasawnna hna a thawh thin te bak khawtlang hmasawnna atana development sum hailut tura hmalakna thar an neih loh thu te leh Treasurer a ni chungin VC kaltlanga sawrkar sum an hmuh leh hmanna te engmah a hriat ve loh thu te pawh a tarlang a ni.

Comments

Popular posts from this blog

Volleyball S/F khel dawn