Serchhip-ah Republic Day urhsun taka hman tum a ni

Tun thla ni 26-a India Republic Day lo thleng tur Serchhip-ah pawh urhsun taka hman tum a ni.

Serchhip-a India Republic Day hman dan tur ngaihtuah hian nimin khan Serchhip DC Conference Hall-ah District Bawrhsap Nazuk Kumar kaihhruaiin sawrkar Department hrang hrang leh tlawmngai pawl aiawhte an thukhawm a, he hunah hian Bawrhsap chuan kan ram ni pawi-mawh champha lo thleng tur hi Serchhip-ah pawh urhsun taka hman kan tum tur thu sawiin, amaherawh chu kan hriat theuh angin COVID-19 hripui len lai a nih avangin hri laka himna dante tha taka zawm chunga ruahmanna siam a ngaih thu a sawi bawk a ni.

He thutkhawm a tel te hian Republic Day chu tun thla ni 26 (Nilaini) zing dar 9:00 ah DC Office Tual-ah a lawmna pui ber neih leh ni se tha an ti a. Head of Offices, chanchinbu mite leh tlawmngai pawl aiawhte tel tura sawmin, mi 50 aia tam lo kalkhawm tura ruahmanna siam ni se tha an ti a ni. Kum danga lo tih tawh thin angin he ni puala thilpek pawh Home hrang hrang, Jail leh Hospital-ah te pekchhuah leh ni se tiin mawhphurhna hrang hrang an insem nghal bawk.

Comments

Popular posts from this blog