Hri kai hmuh belh zel an ni

Nimin khan Serchhip District-ah COVID-19 hri kai thar mi 46 chhinchhiah belh an ni a, an zingah hian Hriangtlang khuaa hri kai hmuh thar te erawh an tel hman lo thung.

Nimin a hri kai hmuhchhuah thar te hi Thenzawl-ah mi 28, BSF-ah mi 8, North Vanlaiphai-ah 6, Serchhip ah 3 leh Mualcheng khua ah mi 1 te an ni. Nimin khan Hriangtlang khua ah hri kai 50 chuang hmuh belh an awm a, heng mi te hi nimin-a report-ah tarlan hman an ni lo thung.

Niminpiah khan Serchhip District-ah COVID-19 hri kai mi 54 hmuhchhuah an ni bawk a, heng hri kai hmuhchhuah te hi Thenzawl-ah 20, Serchhip-ah 11, Mualcheng khua ah mi 9, Chhingchhip-ah mi 5, Hmuntha-ah 3, Sailulak khua ah mi 2 leh Chhiahtlang-ah mi pakhat bakah BSF Sipai mi 3 te an ni.

Niminpiah khan Serchhip District-ah hri kai mi 56 enkawl dam niin nimin khan mi 47 te enkawl dam an ni ve leh bawk a, heti hian nimin tlai thlenga Serchhip District-a hri kai hmuh tawh chu 8429 niin an zinga 7901 te enkawl dam an ni tawh a, hri kai hmuhchhuah atanga za zela 93.73 te enkawl dam ni tawhin hri kai enkawllai 503 an la awm a, hri kai zing a mi Lalnunzira (46), Thenzawl chu Thawhlehni khan a boral avangin hri kai zingah mi 25 an boral ta a ni.