Chanchin lawrkhawm :

JERC Member atan lalut

Joint Electricity Regulatory Commission (JERC) for Manipur & Mizoram-a Member atan Rengthanvela Thanga (R. Thanga) chu niminpiah khan lakluh a ni a, Union Cabinet Minister for Power RK. Singh-a hmaah biak hmuh theihna hmanga thutiam lain Member thar atan hian lak-luh a ni a, he hunah hian Ministry of Power-a Secretary leh Official pawimawh dang te an tel a ni. R. Thanga hi kum 1960-a piang niin Gauhati High Court, Aizawl Bench hawn anih khan Assistant Registrar in a thawk a, kum 1999 khan High Court Registrar puitling ah kaisangin Aizawl Judicial District-ah District & Sessions Judge hna chu kum, 2014 khan a thawk leh a, hna hrang hrang a chelh hnuah June 30, 2020 khan Superannuation in a pension a, Aizawl Zotlang-ah an khawsa mek a ni.


Nghalimlui mi thattu man

Kumin January 6-a Nghalim (Lawngtlai District)-a Satin Mela-i rawng taka thattu nia hriat mi pathum te chu man an ni ta. Tarlan tawh angin Satin Mela-i hi an Nul-a a kal chu a haw hun tur awmah a haw loh avangin a chhungte chuan zawngin an Nul bulah hian a ruang hi hmuh a ni a, Police ten an chhui zui hnuah he thil a inhnam-hnawih nia hriat mi 3- Drao Kumar (30), Debal-cala (34) leh Onil Kumar (23), Nghalimlui khua vek te chu manin heng mite hi thu zawhfiah an nih hnuah anmahni thah ngei a nih thu an inpuang tih kan thudawnna chuan a sawi. Satin Mela-i ruang ah hian kutthlakna hnuhma tam tak awmin rawng taka thah niin a lang a ni.


Mamit-ah raltlan enfiah

Myanmar atanga Mamit District chhunga raltlan awm zat a hmuna enfiahna chu nimin atang khan SDO (Sadar) Vanlalhmachhuana hovin neih a ni a, naktuk ah zawhfel a ni ang. Mamit District-ah hian raltlan mi 92 vel an lut nia hriat niin luh belh an awm thin avangin an zat chiah hi hriat theih a ni lova, tuna enfiahna neih rual hian raltlan 92 te hi Rs. 600/- zel pek an ni bawk.


A ruala hlawh pe turin ngen

BJP Mizoram Pradesh Thalaite chuan Mizo-ram Sawrkar in a hnathawk te, a bikin, Group A leh B te hlawh a pe mumal thei lo leh a hun taka hlawh an la thei thin lo chu pawi an tihpui thu nimin khan thuchhuah siamin an tarlang a. Thla thar lo awm leh tur atang chuan nawr chhuah chawp ngai lova Group C leh D te nen a ruala hlawh pe ve thin tawh tura Mizoram sawrkar ngenin, sawrkar hna-thawk te sum leh pai ah nasa taka hrekbeh mek an ni chu pawi an tih thu an sawi.


Thla 4 chhunga thiat turin ti

Mizoram sawrkar in Chalfilh tlang chhip-a khualzinte hipna tura Tourist Destination Project a kalpuiah Forest Clearance dil lo leh nei hmasa lova hma a lak te National Green Tribunal (NGT) in thiat tura a lo tih tawh chu Mizoram sawrkar in thiat lo turin ngenna siam mah se NGT chuan Dan kalh-a In sak te hi May 17, 2022 hmaa thiat turin a ti a, hei hi tih hlawhtlin a nih loh chuan a kaihhnawih (concern) Officer te'n dan an hmachhawn a tul tur thu a hriattir bawk.

Comments

Popular posts from this blog

Volleyball S/F khel dawn