Latest News

Serchhip-ah Northeast Yatra for Lifestyle (Life) nei mek

/
Image
India hmarchhak State 8-a tun thla (November) chhunga neih tura ruahman Northeast Yatra for Lifestyle (Life) chu kar hmasa lamah Mizoram tana a hawnna hun hman a nih hnuin Serchhip District-ah pawh kalpui mek a ni a. He Yatra neih chhung hian mipuite hnenah tam zawk leh zau zawkin ‘environment’ humhalh leh venhim pawi-mawh zia zirtirna pek tura ruahman niin tunah hian In tin-a lut lawrin hemi chungchang inzirtirna neih a nih bakah thuziak te sem a ni a. Vawiin hian North Vanlaiphai-ah Mass Rally neiin hman khat daih Plastic thenfai hnatlang neih nghal a ni anga, naktuk-ah Govt. Serchhip College-ah hemi chungchang inzirtirna hi neih leh a ni ang.
Post a Comment

Hri kai mi 7 hmuh belh leh

/

Nimin khan Serchhip District-ah COVID-19 hri kai mi 7 hmuh belh niin mi 167 te enkawl dam an ni thung.

Nimin a Serchhip District-a hri kai hmuhchhuah te hi Serchhip-ah 4 leh Hualtu, Lungpho leh Hmuntha-ah pakhat theuh an ni. Inrinni khan Serchhip District-ah hri kai mi 55 hmuhchhuah an awm bawk a, Rapid Antigen Test hmangin hri kai mi 48 hmuh niin an zinga 18 chu Thenzawl khua an ni a, Serchhip atangin 13, Chhingchhip atangin mi 8,  Hmuntha leh Hualtu-ah mi 3 ve ve, Hriangtlang-ah mi 2 leh Chhiahtlang-ah mi pakhat te an ni. TrueNat Laboratory atangin hri kai mi 7 hmuh ni bawkin an zinga 5 te hi BSF sipai niin midang pahnih hi Serchhip an ni.

Inrinni khan Serchhip District-ah hri kai mi 224 te enkawl dam niin nimin khan mi  167 te enkawl dam an ni leh a. Heti hian nimin thleng khan Serchhip District-a hri kai hmuh tawh chu 8246 niin an zinga 7625 te chu enkawl dam an ni tawh a, hri kai hmuh atanga za zela 92.46 te enkawl dam ni tawhin enkawllai 597 an la awm a ni. Zirtawpni zan khan Lalnghing-lova (85), Lungpho chu COVID-19 vanga thi ve lehin Serchhip District-a hri kai mi 24 an thi ta a ni.

Comments

Post a Comment

Popular News (Last 30 Days)